1.
నిషిద్ధాక్షరి: అంశము - కుచేలుని వృత్తాంతము. నిషిద్ధాక్షరములు
- కకారము లేకుండా. ఛందస్సు - మీ ఇష్టము.
(సర్వసద్గుణ ఘనుడు కుచేలుడు)
బహుళసంతానవంతుండు; భవ్యమూర్తి;
పేదవాడైన స్నేహాన పెద్దవాడు;
మౌని సాందీపనీఛాత్రమహితయశుడు;
శౌరిసఖుడు; సుదాముండు సద్గుణుండు.
2.
నిషిద్ధాక్షరి: అంశము – శివధనుర్భంగము. నిషిద్ధాక్షరములు
శ-ష-స-హ. ఛందస్సు - మీ ఇష్టము.
(రఘురాముడు – శివధనుర్భంగం)
పార్వతీపతి ధనువును పట్టువిడక
నెందరెందరో భూనాథు లెక్కుపెట్ట
లేక మిన్నక నుండంగ, లేచి రాము
డెక్కుపెట్టగ పెళపెళ ముక్కలయ్యె.
3.
నిషిద్ధాక్షరి: అంశము - సంక్రాంతి సంబరములు. నిషిద్ధాక్షరములు శ-ష-స. ఛందస్సు - మీ ఇష్టము.
(పల్లెలో సంక్రాంతి)
గంగిరెద్దుల నాడించు రంగరాజు;
అక్కబావల నలరించు నమల, కమల;
వెచ్చదుప్పట్ల చలికాచు పెద్దజంట;
ఉత్తరాయణ కాలాన నొదిగినారు.
కామెంట్లు లేవు:
కామెంట్ను పోస్ట్ చేయండి